नववर्ष अभिनन्दन ---एक प्रयास {हँसना मना है , :D पर हंसने से बीमारी दूर भागती हैं ,सो हंसी आये तो हंसो सभी :) :) :D }-------------
पिंजरी का सुवा ,अटारी का सुवा
सुन पंखी सुवा ,लाल थुटी सुवा
दे आ सुवा तू सभी तैं बधाई
नववर्ष ऐगी इनु सुणि मैंन
मंगलमय तू बोलिजा :) सुवा सभी तैं।
गणेशा का घर माँ ऋद्धि सिद्धि होली
बरमाजी का घर होली सावित्री देवी
विष्णुजी का घर होली लछमी देवी
रामजी क डेरा सीतामात होली
जणदयूं नी छौं मैं पछणदूँ नई छौं मैं
कै घर कै द्वार शुभकामना देंण।
मेरु लाड़ी सुवा ,तू मेरी पोथली
उडी जा दियावा शुभेच्छा सभी तैं
कान्हा घर होली रुक्मणी देवी
मेरा शिव का डेरा म पार्वती होली
नंदी तैं मिलिकैं खूब भेटेण ,
गुड़ की डली मैं तुम दुइयों तें देलू '
कुई भुली होली ,कुई दीदी होली
भुला अर भैजी ,बाल-बच्चा सभी यख
फेसबुक म सुवा -अपणा छँ सभी
मित्र भी छं , चचा बडा भी यखि
जीजा -साली कु ,व्यवहार भी च
ममाजी -मामीजी तैं परणाम बोली
गुरूजी म्यरा पाठ करणा होला
सेवा मेरी तू ऊँ तैं दियाळी।
सुन पंखी सुआ ,लल ठूँठि सुवा
उड़ जा तू दियावा सभी तैं शुभेच्छा
नववर्ष ऐगिन इनु सुणि मैन।
जणदौ नि छौं मैं ,पछ्णदों नि छौं मैं
फेसबुक का रिश्ता आसमानी होंदन
प्यार भी च अर सम्मान भी च
मैतैं त सभी अपणा सा लग्दन।
त्वे दय्लु सुवा मैं दूध-भाति पूरी
अरसा -रोट अर बुकणा छकि द्येलु।
बोल -बोल सुआ चौदिसी मंगल
शुभकामना देयि सबु की तिबारी।
हे कागा हे लाटा तू भी उड़ी जा
कैं दिसि कैं बाटि मेरा स्वामी होला ,
माजी भी होली पिताजी भी होला
सभी पितर आकासी म होला।
बोल-बोल कागा सगुनी कागा
नववर्ष मंगलमय हो सभिंतैं
त्वै दय्लु कागा दूध भाति पूरी
अरसा रोट अर बुकणा छ्की।
सोना की तेरी ठूंठ गढौलु
खीर बदामकी त्वैं मैं खिलौलु
मैं सुणी छ नव वर्ष आयूँ ,
सभी तैं सगुन बोलिजा रे
पहाड्यूं म उड़िजा ,उकाल्युं म उड़िजा
देस मा उड़ि जा बिदेस माँ उड़ि जा
ऐ कागा सगुनी कागा ऐ।
सभी सुखी रौं यू संदेस दिया
मेरि लाड़ी ,मेरि पोथली कागा ये। -----------नव वर्ष पे एक छोटा सा दुःसाहस ,गढ़वाली आती नही है पर हूँ गढ़वाली तो टूटी-फूटी कोशिश करती रहती हूँ। जो भी है गलत सही ,एक प्रयास जो अपना सा है। सर्वेभवन्तु सुखिन: के सन्देश के साथ ,सभी को 2018 के सूर्यनारायण का आशीष मिले ,शुभकामनायें मेरी ,
मुझे भी नववर्ष शुभ हो।
No comments:
Post a Comment